وقت آنے پر اسمبلیوں سے استعفے دیں گے: رانا ثناء اللّٰہ

مسلم لیگ نون پنجاب کے صدر رانا ثناء اللّٰہ کہتے ہیں کہ وقت آنے پر اسمبلیوں سے استعفے دے دیں گے۔

کبیروالا میں مسلم لیگ نون کے رہنما رانا ثناء اللّٰہ نے پریس کانفرنس کرتے ہوئے کہا کہ کل کسانوں پر تشدد کیا گیا، یہ موجودہ حکومت کی نااہلی کا ثبوت ہے۔

اپوزیشن کی بات کو بھارت سے جوڑنا غلط رویہ ہے، رانا ثناء ﷲ

ایاز صادق نے وزیرخارجہ کی اس دن کی پوزیشن بیان کی، میٹنگ میں وزیراعظم آئے ہی نہیں اور وزیرخارجہ بار بار آ جارہے تھے۔

انہوں نے کہا کہ موجودہ حکومت کے پاس انتقام کے علاوہ کوئی ایجنڈا نہیں، میاں شہباز شریف اور حمزہ شہباز کو جیلوں میں بھی انتقامی کارروائی کا نشانہ بنایا جا رہا ہے۔

رانا ثناء اللّٰہ نے کہا کہ پی ڈی ایم کا مڈٹرم الیکشن کا مطالبہ آئینی ہے، عوام ہمارے ساتھ ہیں، سیاسی لوٹے ذاتی مفادات کیلئے پارٹیاں تبدیل کرتے ہیں۔

انہوں نے کہا کہ 30 نومبر کو پی ڈی ایم کا جلسہ ملتان کی تاریخ کا سب سے بڑا جلسہ ہو گا، یہ جلسہ پرامن ہو گا، کوئی رکاوٹ نہ ڈالے۔

رانا ثناء اللّٰہ نے ’جیو نیوز‘ سے خصوصی گفتگو کرتے ہوئے کہا کہ میر شکیل الرحمٰن کی گرفتاری کی مذمت کرتے ہیں، میر شکیل الرحمٰن کو یرغمال بنا کر رکھا ہے۔