آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عمران خان NRO دیدیں تو سب ان کے نعرے لگائیں گے، علی امین


وفاقی وزیر علی امین گنڈا پور کہتے ہیں کہ وزیرِ اعظم عمران خان این آر او دے دیں تو سب عمران خان کے نعرے لگائیں گے۔

اسکردو کے علاقے سرمک میں جلسے سے خطاب کرتے ہوئے وفاقی وزیر علی امین گنڈا پور نے کہاکہ عمران خان نے کینسر اور نوجوانوں کیلئے مفت یونیورسٹی بنائی۔

انہوں نے کہا کہ عمران خان کے دل میں لوگوں کے لیے درد ہے، ووٹ آپ کے 5 سال کی ترقی کا فیصلہ کرتا ہے، کے پی کے حکومت میں عمران خان نے جہیز کی لعنت ختم کی۔

علی امین کا کہنا ہے کہ عمران خان نے آپ کی 72 سالہ محرومی دور کر کے صوبے کا اعلان کیا، جو ہماری فوج کا وفادار نہیں وہ پاکستان کا وفادار نہیں۔

ان کا کہنا ہے کہ لوٹنے والے، مال کھانے والے آپ کے درمیان کیسے آتے ہیں؟ زرداری کے پاس ایک سینما تھا آج وہ دنیا کا امیر ترین آدمی ہے۔


وفاقی وزیر نے کہا کہ پی ڈی ایم کے چیئرمین کو میں نے شکست دی، ساری اپوزیشن پارٹیاں کہتی ہیں کہ ہماری چوری معاف کر دیں۔

علی امین گنڈا پور کا یہ بھی کہنا ہے کہ نواز شریف سزا یافتہ ہو کر آپ کے سامنے ہے، بلاول بھٹو اور مریم نواز کے اکاؤنٹ میں کھربوں ڈالر ہیں۔

قومی خبریں سے مزید