آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

امریکا میں لنگرخانہ چلانے والے پاکستانی کے چرچے

امریکا کے دارالحکومت واشنگٹن ڈی سی میں پاکستانی نژاد امریکی شہری قاضی منان کی سخاوت کے خوب چرچے ہورہے ہیں، وہ اپنی مدد آپ کے تحت اب تک بےشمار مفت کھانے کھلا چکے ہیں۔

واشنگٹن میں ہوٹل چلانے والے قاضی منان کا کہنا ہے کہ جب انہوں نے ریسٹورنٹ لیا تو اللّٰہ سے وعدہ کیا کہ وہ جلد اسے لنگر خانہ بنائیں گے۔

قاضی منان کا کہنا ہے کہ لنگر خانہ مسلمانوں کی ایک خاص روایت ہے، تو وہی فلسفہ میرے دماغ میں بھی تھا۔


پاکستانی نژاد امریکی شہری واشنگٹن ڈی سی میں ’سکینہ حلال گرل‘ نامی ایک ریسٹورنٹ چلاتے ہیں۔

اس پاکستانی ریسٹورنٹ میں رنگ نسل اور مذہب کی تفریق کئے بغیر بے گھر امریکیوں کو کھانا ملتا ہے۔

گزشتہ پانچ سالوں میں، ’سکینہ حلال گرل‘ ضرورت مندوں میں 80 ہزار  سے زائد مفت کھانے مہیا کر چکا ہے جن کی سالانہ اوسط تقریبا 16 ہزار بنتی ہے۔

قاضی منان کا یہ ویسٹورنٹ امریکی صدر کی سرکاری رہائش گاہ وائٹ ہاؤس سے چند بلاکس دور واقع ہے۔

اب عالمی وبا کورونا وائرس کی وبا کی وجہ سے جب ان کے حالات خراب ہوئے تو امریکیوں نے ان کی دل کھول کر مدد کی تاکہ ان کا کام چلتا رہے اور بےگھروں کو کھانا ملتا رہے۔

خاص رپورٹ سے مزید