مریم نواز کی بختاور بھٹو اور محمود چوہدری کو منگنی کی مبارکباد

04 دسمبر ، 2020

مسلم لیگ نون کی نائب صدر اور سابق وزیرِ اعظم میاں نواز شریف کی صاحبزادی مریم نواز نے سابق صدر آصف زرداری اور شہید محترمہ بے نظیر بھٹو کی بڑی صاحبزادی بختاور بھٹو اور اُن کے منگیتر محمود چوہدری کو منگنی کی مبارکباد دی ہے۔

حال ہی میں بختاور بھٹو زرداری نے پہلی مرتبہ مائیکرو بلاگنگ سائٹ ٹوئٹر پر مداحوں کے ساتھ اپنی منگنی کی ویڈیو شیئر کی تھی جس کے کیپشن میں اُنہوں نے ﷽ لکھا تھا۔

اب مسلم لیگ نون کی نائب صدر مریم نواز نے بختاور بھٹو کا ویڈیو ٹوئٹ اپنے ٹوئٹر اکاؤنٹ پر شیئر کیا ہے۔

مریم نواز نے منگنی کی ویڈیو شیئر کرتے ہوئے بختاور بھٹو زرداری اور محمود چوہدری کو مبارکباد دی۔

اُنہوں نے اس نئی جوڑی کے لیے دُعا کرتے ہوئے کہا کہ ’اللّہ تعالیٰ آپ دونوں کو ہمیشہ خوشیوں سے نوازے۔‘

مریم نواز کے اس محبت بھرے ٹوئٹ کا جواب دیتے ہوئے بختاور بھٹو زرداری نے جہاں اُن کا شکریہ ادا کیا تو وہیں اُن کی دُعا پر آمین بھی کہا۔

خیال رہے کہ بختاور بھٹو زرداری اور محمود چوہدری کی منگنی حال ہی میں بلاول ہاؤس کراچی میں ہوئی، منگنی کی تقریب میں 100 سے 150 مہمان شریک ہوئے، اس موقع پر بختاور اور محمود چوہدری نے ایک دوسرے کو انگوٹھی پہنائی۔

دوسری جانب سابق صدر آصف علی زرداری ڈاکٹروں کے مشورے سے اسپتال سے تقریب میں شرکت کے لیے گھر پہنچے تھے جبکہ بختاور کے بھائی پارٹی چیئرمین بلاول بھٹو کورونا وائرس آئسولیشن کے باعث تقریب میں ورچوئلی شریک ہوئے۔