آپ آف لائن ہیں
اتوار3؍جمادی الثانی 1442ھ 17؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

قومی ٹیم اسکول کی سطح پر کرکٹ کھیل رہی ہے: شعیب اختر

قومی کرکٹ ٹیم کے سابق فاسٹ باؤلر شعیب اختر نے نیوزی لینڈ کے ہاتھوں شرمناک شکست پر اظہار خیال کرتے ہوئے کہا کہ قومی ٹیم نے گراؤنڈ میں اسکول کی سطح پر کرکٹ کھیلی۔

شعیب اختر نے جہاں کھلاڑیوں پر کھل کر ناراضی کا اظہار کیا وہیں پاکستان کرکٹ بورڈ (پی سی بی) سے بھی نالاں دکھائی دیے۔

 اپنے خیالات کا اظہار کرتے ہوئے شعیب اختر نے کرکٹ بورڈ کو قومی ٹیم کی شکست کا ذمہ دار ٹھہرایا۔


شعیب اختر نے کہا کہ پی سی بی نے جو بویا تھا وہی کاٹ رہے ہیں، اگر وہ اہم پوسٹوں پر اوسط افراد کو بٹھاتے رہیں اور ٹیم میں اوسط کھلاڑی منتخب کرتے رہیں گے تو نتائج بھی کچھ مختلف نہیں ہوں گے۔

شعیب اختر نے کہا کہ قومی ٹیم اسکول کی سطح پر کرکٹ کھیل رہی ہے۔

ان کا کہنا تھا کہ قومی ٹیم کی کارکردگی بہت مایوس کن تھی، کلب کی سطح کی ٹیمیں بھی اس سے بہتر کارکردگی کا مظاہرہ کریں گی، یہ ٹیم جب بھی ٹیسٹ کرکٹ کھیلے گی اسے اتنی ہی بری شکست کا سامنا کرنا پڑے گا ۔

خیال رہے کہ کرائسٹ چرچ ٹیسٹ کے چوتھے روز ہی پاکستان کو میزبان ٹیم نیوزی لینڈ نے اننگز اور 176 رنز سے شکست دے دی۔

کھیلوں کی خبریں سے مزید