آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شعیب اختر پاکستانی باؤلرز پر برس پڑے

قومی کرکٹ ٹیم کے سابق فاسٹ باؤلر شعیب اختر نے نیوزی لینڈ کے خلاف دوسرے ٹیسٹ میچ میں کرکٹ ٹیم کی باؤلنگ کو انتہائی نچلی سطح پر قرار دے دیا۔

‏سوشل میڈیا سائٹ ٹوئٹر پر شعیب اختر نے پاکستان ٹیم کے بولنگ فگرز شیئر کیے اور ساتھ ہی نیوزی لینڈ کے خلاف دوسرے ٹیسٹ میچ میں باؤلنگ کو پاکستان کرکٹ تاریخ کی انتہائی نچلی سطح پر قرار دیا۔

شعیب اختر نے پاکستان کی بولنگ پر تبصرہ کرتے ہوئے کہا کہ توبہ توبہ کیا اس طرح بولنگ ہوتی ہے۔


خیال رہے کہ پاکستانی باؤلنگ لائن نے ایک اور ناپسندیدہ کارنامہ سر انجام دے دیا،  کرائسٹ چرچ ٹیسٹ میچ میں نیوزی لینڈ کیخلاف پہلی اننگز میں وائیڈز کی مد میں 17 رنز دیے۔

کسی بھی اننگز میں پاکستانی باؤلرز کی جانب سے دیے گئے وائیڈ کے سب سے زیادہ رنز ہیں۔

پاکستان کرکٹ ٹیم نے اس سے قبل تین مرتبہ اننگز میں 15، 15 وائیڈ رنز دیے تھے، ایک اننگز میں سب سے زیادہ وائیڈ رنز کے عالمی ریکارڈ کی تعداد 21 ہے۔

کھیلوں کی خبریں سے مزید