آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اپوزیشن کے نیب پر تحفظات، صادق سنجرانی کے چیمبر میں اہم بیٹھک


اپوزیشن کے قومی احتساب بیورو (نیب) سے متعلق تحفظات پر چیئرمین سینیٹ صادق سنجرانی کے چیمبر میں اہم بیٹھک ہوئی۔

اجلاس میں ڈپٹی چیئرمین سینیٹ، مشیر پارلیمانی امور اور قائد ایوان شریک ہوئے اور نیب کے معاملے پر اپوزیشن تحفظات پر مشاورت کی گئی۔

مشاورتی اجلاس میں ڈپٹی چیئرمین سینیٹ سلیم مانڈوی والا نے اپنے تمام تحفظات سامنے رکھ دیے۔


مشاورتی اجلاس کے دوران ڈپٹی چیئرمین سینیٹ نے کہا کہ نیب کے خلاف قرارداد اور تحریک التوا کے فیصلے پر قائم ہیں۔

دوران مشاورت خصوسی کمیٹی کے قیام کی تجویز بھی زیر غور آئی اور نیب سے متعلق تحفظات پر پارلیمنٹ ہاؤس میں ایک اور اجلاس بلانے کا بھی فیصلہ کیا گیا۔

اس پر چیئرمین سینیٹ نے اہم مشاورتی اجلاس کل پھر طلب کرلیا اور مشیر برائے احتساب شہزاد اکبر کو بھی کل کے اجلاس میں بلالیا ہے۔

قومی خبریں سے مزید