سیاسی اور سرکاری عمائد
نہ پوُچھو، کر رہے ہیں کیا بڑا کام
زبانیں قینچیوں کی طرح ان کی
برابر چل رہی ہیں صبح تا شام
لاہورکی احتساب عدالت نے قائدحزب اختلاف قومی اسمبلی شہباز شریف کے3 ذاتی معالجین کوحکومتی میڈیکل بورڈ میں شامل کرنے کا حکم دے دیا، شہباز شریف نےعدالت میں دعویٰ کیا کہ نیب اُلٹا بھی ہو جائے، قیامت تک ان کے خلاف کرپشن کا ایک دھیلا ثابت نہیں کر سکےگا۔
الیکشن کمیشن نے وفاقی وزیر فیصل واوڈا کے وکیل کو جواب دینےکا آخری موقع دیتے ہوئے کہا کہ آپ سوال کا جواب دیں کہ وفاقی وزیر نے کاغذات نامزدگی جمع کراتے وقت دوہری شہریت کے خانے میں N/A کیوں لکھا تھا، دوہری شہریت کب چھوڑی ؟
ایچ ای سی کی پالیسی ڈرافٹ کے مطابق نئی پالیسی یکم جنوری 2021سے قابل اطلاق ہے۔
پاکستان مسلم لیگ ن کے سیکریٹری جنرل احسن اقبال کا کہنا ہے کہ غیر ملکی فنڈنگ کیس پر عمران خان 6 سال سے این آر او پر ہیں۔
اقتصادی رابطہ کمیٹی (ای سی سی) کی جانب سے 8 لاکھ ٹن چینی درآمد کرنے کی منظوری دے دی گئی ہے۔
بین الاقوامی تنظیم ’امپیکٹ ہال مارکس‘ نے ایدھی فائونڈیشن کے سربراہ فیصل ایدھی کی والدہ بلقیس ایدھی کو دہائی کی 20 بہترین شخصیات میں شامل کرلیا۔
سندھ ہائیکورٹ نے 5 سال سے لاپتہ شہری کی عدم بازیابی پر پولیس حکام پر برہمی کرتے ہوئے کہا کہ اب یہ ڈرامہ نہیں چلے گا، لاپتہ افراد واپس لاؤ، کیس کے تفتیشی افسر کے وارنٹ جاری کردیئے گئے۔
ایرانی صدر حسن روحانی نے ڈونلڈ ٹرمپ کی مدت ملازمت ختم ہونے پر کہا کہ ٹرمپ کی ایران کیخلاف زیادہ سے زیادہ دباؤ کی پالیسی مکمل ناکام ہوگئی۔
عالم دین اور مرکزی رویت ہلال کمیٹی کے سابق رکن مفتی عبدالقوی کی حریم شاہ کے ہمراہ ایک اور ویڈیو سوشل میڈیا پر وائرل ہورہی ہے۔
مسلم لیگ ق کے صدر چوہدری شجاعت حسین نے کامل علی آغا کو سینیٹ کا ٹکٹ دینے کا اعلان کر دیا۔
بیلجیئم میں کورونا وائرس کے ایک مریض کی بے احتیاطی نے 5000 افراد کو قرنطینہ میں جانے پر مجبور کر دیا ہے۔
معروف اداکارہ عائزہ خان کی جانب سے سوشل میڈیا پر اپنے شوہر، اداکار، ماڈل و میزبان دانش تیمور کے ساتھ ایک تصویر شیئر کی گئی ہے جس میں دونوں ہی نہایت خوبصورت نظر آ رہے ہیں۔
رہنما پاکستان مسلم لیگ ن عطا اللّٰہ تارڑ کا کہنا ہے کہ ع سے عمران اور ع سے عثمان دونوں ایک ہیں۔
وزیراعظم عمران خان نے وزیر ستان میں انٹر نیٹ کی تھری جی اور فور جی سہولت آج سے شروع کرنے کا اعلان کرتے ہوئے کہاکہ تھری جی، فوری جی کا مسئلہ سیکیورٹی کی وجہ سے تھا، بھارت انٹرنیٹ کے ذریعے ان علاقوں میں انتشار پھیلانا چاہتا ہے۔
پاکستان سپر لیگ کے سیزن 6 کی افتتاحی تقریب نیشنل اسٹیڈیم کے مرکزی گراونڈ میں نہ کرائے جانے کا امکان ہے۔
جنوبی افریقی فاسٹ بولر کاگیسو ربادا کا کہنا ہے کہ ٹیم میں واپس آکر بہت اچھا لگ رہا ہے،پاکستان کیخلاف ٹیسٹ سیریزمیں شائقین کی کمی محسوس ہوگی۔
