آپ آف لائن ہیں
پیر16؍ رجب المرجب 1442ھ یکم مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سلمان خان کا رواں برس عید پر فلم رادھے کو ریلیز کرنے کا اعلان

ممبئی (مانیٹرنگ ڈیسک)بولی وڈ اداکار سلمان خان نے طویل انتظار کے بعد رواں برس عید یعنی 12مئی کو اپنی فلم ʼرادھےʼ کو ریلیز کرنے کا اعلان کردیا۔ سلمان خان نے اپنے سوشل میڈیا اکاؤنٹس پر جاری بیان میں کہا کہ وہ تھیٹر مالکان کی مدد کے لیے اپنی فلم سینما میں ریلیز کریں گے۔بھارتی میڈیا کے مطابق سلمان خان ک فلم رادھے گزشتہ برس عید کو ریلیز ہونی تھی لیکن کورونا وائرس کی وجہ سے تاخیر کا شکار ہوگئی تھی۔سلمان خان نے اپنے بیان میں کہا کہ وہ توقع کرتے ہیں کہ تھیٹر مالکان ناظرین کے لیے بہت زیادہ احتیاطی تدابیر اختیار کریں جو رادھے دیکھنے کے لیے آئیں گے۔انہوں نے لکھا کہ میں معذرت خواہ ہوں کہ تھیٹر مالکان کی طرف واپس لوٹنے میں مجھے طویل عرصہ لگا، اس مشکل وقت میں یہ ایک بڑا فیصلہ ہے۔اداکار سلمان خان کا کہنا تھا کہ میں تھیٹر مالکان کو درپیش مالی مسائل سمجھتا ہوں اور میں ʼرادھےکو تھٰیٹر میں ریلیز کرکے ان کی مدد کرنا پسند کروں گا۔بیان میں مزید کہا گیا کہ ʼ اس کے بدلے میں، میں ان سے توقع کروں گا کہ وہ رادھے دیکھنے

والے تھیٹر آنے والے ناظرین کے لیے زیادہ احتیاطی تدابیر اختیار کریں۔ سلمان خان کے بیان میں کہا گیا کہ فلم عید کو ریلیز ہونی تھی اور یہ عید 2021ہوگی انشااللہ، اس سال عید پر تھیٹرز میں رادھے دیکھیں۔خیال رہے کہ گزشتہ برس مئی سے قبل رادھے فلم کی شوٹنگ مکمل ہوجانی تھی لیکن عالمی وبا کی وجہ سے مارچ کے مہینے میں بھارت میں نافذ ہونے والے لاک ڈاؤن کی وجہ سے فلم کی شوٹنگ التوا کا شکار ہوگئی تھی۔سلمان خان نے اکتوبر 2020 کے اوائل میں فلم کی شوٹنگ شروع کی تھی جو اسی ماہ مکمل ہوگئی تھی۔انہوں نے 4 اکتوبر کو سیٹ سے شوٹنگ کی تصویر شیئر کرتے ہوئے لکھا تھا کہ ساڑھے 6 ماہ بعد شوٹ پر واپسی۔فلم کی ہدایات پربھو دیوا نے دی ہیں جو دبنگ اور وانٹڈ کے بعد سلمان خان اور پربھو دیوا کا تیسرا پروجیکٹ ہے۔رادھے فلم میں رندیپ ہدا اور جیکی شروف بھی اداکاری کررہے ہیں۔

دل لگی سے مزید