شوہر کے قتل کی ملزمہ جسمانی ریمانڈ پر پولیس کے حوالے

جوڈیشل مجسٹریٹ کراچی ایسٹ کی عدالت نے گلشنِ اقبال میں شوہر کو قتل کرنے کے مقدمے کی ملزمہ کو 2 روزہ جسمانی ریمانڈ پر پولیس کے حوالے کر دیا۔

جوڈیشل مجسٹریٹ کراچی ایسٹ کی عدالت میں شوہر کو قتل کرنے کے مقدمے کی سماعت کے دوران پولیس نے ملزمہ کو عدالت میں پیش کیا۔

کراچی: خاتون نے سابق شوہر کو جان سے مار دیا

کراچی کے علاقے قائدِ اعظم کالونی میں خاتون نے فائرنگ کر کے 45 سالہ سابق شوہر کوجان سے مار دیا۔

عدالت نے ملزمہ کو 2 روزہ جسمانی ریمانڈ پر پولیس کے حوالے کر دیا جبکہ آئندہ سماعت پر تفتیشی افسر سے پیش رفت رپورٹ طلب کر لی۔

ملزمہ نے عدالت میں بیان دیا ہے کہ بچی کی عزت بچانے اور تشدد کرنے پر شوہر کو قتل کیا، ولی محمد میری بیٹی کے ساتھ غلط کام کا ارادہ رکھتا تھا۔

ملزمہ نے ابتدائی بیان میں کہا ہے کہ میری ایک بیٹی بھاگ گئی، جس پر شوہر مجھ پر تشدد کرتا تھا، شوہر کو قتل کرنے پر کوئی افسوس نہیں۔

پولیس کے مطابق مقتول ولی محمد نے 3 شادیاں کر رکھی تھیں جس سے اس کے 13 بچے تھے۔