فارن فنڈنگ کیس کی اوپن سماعت کریں گے: الیکشن کمیشن

الیکشن کمیشن آف پاکستان کے ترجمان کا کہنا ہے کہ اسکروٹنی کمیٹی کی رپورٹ جمع ہونے کے بعد الیکشن کمیشن فارن فنڈنگ کیس کی اوپن سماعت کرے گا۔

ہم نے 40 ہزار ڈونرز کا ریکارڈ جمع کرایا: فرخ حبیب

وفاقی پارلیمانی سیکریٹری ریلوے اور پاکستان تحریکِ انصاف (پی ٹی آئی) کے رہنما فرخ حبیب کہتے ہیں کہ ہم نے اپنے 40 ہزار ڈونرز کا ریکارڈ جمع کرایا ہے۔

ترجمان الیکشن کمیشن آف پاکستان کا فارن فنڈنگ کیس کے حوالے سے کہنا ہے کہ کیس کی کھلی یا بند کمرے میں سماعت سے متعلق کنفیوژن تھی۔

الیکشن کمیشن کے ترجمان کا مزید کہنا ہے کہ فارن فنڈنگ کیس پر اسکروٹنی کمیٹی کی کارروائی اوپن نہیں ہو گی۔

ترجمان الیکشن کمیشن کا یہ بھی کہنا ہے کہ اسکروٹنی کمیٹی کی کارروائی فریقین کی موجودگی میں جاری ہے۔