فرمان الہی
نماز کے اوقات
سندھ میں گزشتہ 24 گھنٹوں کے دوران کورونا وائرس کے مزید 854 نئے کیسز سامنے آئے، جبکہ عالمی وباء میں مبتلا مزید 8 مریض انتقال کرگئے۔
وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا کہ گزشتہ 24 گھنٹوں کے دوران 11497 نمونوں کی جانچ کی گئی، اس دوران مزید 854 کیسز سامنے آئے۔
وزیراعلیٰ سندھ نے بتایا کہ 24 گھنٹوں کے دوران کورونا سے 8 مریض انتقال کرگئے، یوں کورونا وائرس سے اموات کی مجموعی تعداد 3900 ہوگئی ہے۔
انہوں نے بتایا کہ اب تک 2653596 نمونوں کی جانچ کی جاچکی ہے، جس کے نتیجے میں 242053 کیسز سامنے آچکے ہیں۔
وزیراعلیٰ سندھ کے مطابق گزشتہ 24 گھنٹوں کے دوران مزید 471 مریض صحتیاب ہوئے، جس کےبعد صوبے میں صحتیاب افراد کی مجموعی تعداد 219952 ہوچکی ہے۔
صوبے میں اس وقت18201 مریض زیر علاج ہیں، 17290 گھروں میں، 12 آئسولیشن سینٹرز میں اور 899 مریض مختلف اسپتالوں میں زیر علاج ہیں، 821 مریضوں کی حالت تشویشناک بتائی گئی ہے، جبکہ81 مریض وینٹی لیٹرز پر ہیں۔
وزیراعلیٰ سندھ نے بتایا کہ 854 نئے کیسز میں سے 579 کا تعلق کراچی سے ہے، ضلع شرقی 235، ضلع جنوبی 154، ضلع کورنگی67 ، ضلع وسطی 56، ضلع ملیر 36 اور ضلع غربی میں31 نئے کیسز رپورٹ ہوئے۔
حیدرآباد51، شہید بینظیرآباد 37، عمر کوٹ 36، ٹھٹہ 21، سانگھڑ 20، گھوٹکی 20، لاڑکانہ 15، شکار پور 15، سجاول 12، میرپورخاص 10، مٹیاری 6، نوشہرو فیروز 6، دادو 2، جیکب آباد 2، کشمور اور ٹنڈوالہیار میں ایک، ایک کیس سامنے آیا۔
