سگریٹ، سیمنٹ، چینی، کھاد کی مہرشدہ پیکٹ اور بوریوں کا سسٹم لانے کا فیصلہ
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سگریٹ، سیمنٹ، چینی، کھاد کی مہرشدہ پیکٹ اور بوریوں کا سسٹم لانے کا فیصلہ

لاہور( این این آئی )فیڈرل بورڈ آف ریونیو نے سیگریٹس، سیمنٹ، چینی اور کھاد کی غیر قانونی فروخت کو ختم کرنے کیلئے اب مہر شدہ پیکٹ اور بوریوں کا سسٹم لانے کا فیصلہ کیا ہے،بغیر مہر شدہ بوری یا پیکٹ فروخت کرنے والوں کیخلاف کارروائی ہوگی۔بغیر مہر سگریٹس، چینی، سیمنٹ اور کھاد کی فروخت غیر قانونی تصور ہوگی اور ایسی تمام مصنوعات ضبط کر لی جائیں گی۔ایف بی آ ر نے نے سگریٹس، سیمنٹ، چینی اور کھاد کی غیر قانونی فروخت کیخلاف پلان تیار کیا ہے۔ ایف بی آر حکام کے مطابق ٹریک اینڈ ٹریس سسٹم پر عمل درآمد سے آپریشن کا آغاز کیا جائے گا۔ٹیکس کی مہر کے بغیر چاروں مصنوعات فروخت نہیں کی جا سکیں گی، جبکہ پیکٹ یا بوری پر بغیر ٹیکس مہر اشیا ء فروخت کرنے والوں کیخلاف کارروائی ہوگی۔ بغیر مہر سگریٹس، چینی، سیمنٹ اور کھاد کی فروخت غیر قانونی تصور ہوگی اور ایسی تمام مصنوعات ضبط کر لی جائیں گی۔ایف بی آر کا کہنا ہے کہ مینوفیکچررز بھی ایسی مصنوعات فروخت نہیں کرسکیں گے، ایسے اقدامات سے حکومت ٹیکس چوری روکنا، سگریٹس کی انڈر رپورٹنگ اور سیلز پر قابو پا سکے گی۔نئے نظام کے تحت ڈیوٹیز اور ٹیکسز کی ادائیگی کو یقینی بنایا جائے گا جس پر کام شروع کردیا گیا ہے۔ حکام کے مطابق اگلے چند ماہ میں ٹریک اینڈ ٹریس سسٹم پوری طرح نافذ کر کے کریک ڈائون شروع ہوگا۔

ملک بھر سے سے مزید