• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیئرمین سی ڈی اے کا مختلف سیکٹرزمیں جاری ترقیاتی کاموں کا معائنہ

میرا شہر
اسلام آباد
14 فروری ، 2021
اسلام آباد( نیو زرپورٹر)چیئرمین سی ڈی اے عا مر علی احمدنے گزشتہ روز سیکٹر آئی 14،15 اور16 میں جاری ترقیاتی کاموں کا معائنہ کیا۔ انہوں نے ترقیاتی کاموں کو تسلی بخش قرار دیتے ہوئے ترقیاتی کاموں میں مزید تیزی لانے کی ہدایات جاری کیں۔مذکورہ سیکٹروں کے اچانک دورے کے دوران انہوں نے کہا کہ فوری طور پر مذکورہ سیکٹرزکاانفرااسٹرکچرمکمل کرکے یہاں اسٹریٹ لائٹس لگائی جائیں اورجدیدطرز کے پارک بنائے جائیں،تاکہ جن شہر یوں کو یہاں پلاٹ الاٹ ہوئے ہیں وہ فوری طور پر گھر بنانا شروع کریں۔اس موقع پر افسران نے چئیرمین سی ڈی اے کو بریفنگ دیتے ہوئے آگاہ کیا کہ سیکٹر I-15/3 کا35 فیصد ترقیاتی کا مکمل ہوچکا ہے۔مذکورہ سب سیکٹر میں 86کروڑ 62لاکھ کاترقیاتی کام ہوناہے،جبکہ روڈانفرااسٹرکچرپر بھی کام جاری ہے،98فیصد روڈزکا قبضہ حاصل کرکےارتھ ورک کیا جارہا ہے۔انہوں نے بتایا کہ چند ماہ میں مذکورہ کام مکمل کرلیا جائے گا،جلد ہی سیکٹر میں سروسز کا بھی آغاز کیا جارہا ہےجبکہ ساتھ ہی انڈر گرائونڈ,اوورہیڈ ٹینک بنانے کاکام بھی شروع کردیا گیاہے۔دوسری جانب کلوٹ اوربریج کی تعمیر کاکام بھی جاری ہے۔انہوں نے بتایا کہ سیکٹر I-15/4 کاٹینڈر بھی ایوارڈ کردیا گیا ہے،جس کی بڈ پرائس 58کروڑ ہے۔I-15/1کا ٹینڈر اوپن کردیا گیا ہے،جبکہ آئی 15/2 کاٹینڈر آئندہ چند روز میں جاری کردیا جائے گا۔
تازہ ترین