ٹی سی پی نے 9 شوگر ملوں کو بلیک لسٹ قرار دیا ہے، اعلامیہ

ٹریڈنگ کارپوریشن آف پاکستان (ٹی سی پی) نے 9 شوگر ملوں کو بلیک لسٹ قرار دیا ہے۔

 اعلامیہ کے مطابق بلیک لسٹڈ شوگرملز نے 2007 سے 2013 کے دوران ایوارڈ ٹینڈرز کی پاسداری نہیں کی، بلیک لسٹ 9 شوگر ملوں کو 174515 میٹرک ٹن چینی خریداری کے ٹینڈر ایوارڈ کئے گئے تھے۔

شوگر مافیا کے خلاف اینٹی منی لانڈرنگ ایکٹ کے تحت کارروائی شروع کردی گئی، ایف آئی اے

ڈائریکٹرایف آئی اے ڈاکٹر رضوان کا کہنا ہے کہ ابھی گرفتاری نہیں کی، ریکارڈ قبضے میں لے لیا ہے، گرفتاریاں بعد میں کریں گے۔

 ٹی سی پی کے  اعلامیہ کے مطابق  ٹینڈر وصول کرکے 9 شوگر ملوں نے 102684 میٹرک ٹن چینی کی ڈلیوری نہیں دی۔

اعلامیہ کے مطابق  بلیک لسٹ شوگر ملز مستقبل میں ٹی سی پی ٹینڈر میں شامل نہیں ہوسکیں گی۔