رمضان سے قبل اشیائے خورونوش کی قیمتوں میں ہوشربا اضافہ

رمضان المبارک سے پہلے اشیائے خورونوش کی قیمتوں میں ہوش ربا اضافہ دیکھنے میں سامنے آیا ہے۔

رمضان سے قبل اشیائے خورونوش  چینی، مرغی، پھل سبزی کی بڑھتی قیمتوں سے شہری پریشان ہیں جبکہ غریب اور متوسط طبقے کی مشکلات بڑھ مزید بڑھ گئیں ہیں۔

کراچی میں ایک کلو چینی 105 روپے کی ہوگئی

کراچی میں کھانا پکانے کا تیل دو سو اسی روپے لیٹر تک پہنچ گیا۔

صوبہ کے پی کے کے شہر پشاور کے یوٹیلیٹی اسٹورز سے آٹا اور چینی غائب ہو گئی ہے۔

صوبہ پنجاب کے شہر فیصل آباد میں چینی کی قیمت 105 سے 110 روپے کلو گرام تک چلی گئی جبکہ ہول سیل دکان داروں کا کہنا ہے ایف آئی اے کی کارروائیوں کے بعد چینی ڈیلرز نے سپلائی روکی ہے۔

چینی کی قیمت میں غیرقانونی اضافہ کرنے والے 7ملزمان گرفتار، ایف آئی اے

فیڈرل انویسٹی گیشن ایجنسی (ایف آئی اے) کے کمرشل بینکنگ سرکل نے شوگر سٹہ مافیا کے تین ارکان کی گرفتاری کے بعد مزید 4 افراد کو کراچی سے گرفتار کرلیا ہے جس کے بعد گرفتار افراد کی تعداد 7 ہوگئی ہے، ملزمان کے خلاف اینٹی منی لانڈرنگ ایکٹ کے تحت دو مقدمات درج کرلیے ہیں۔

 دکانداروں کے مطابق  ایف آئی اے کی کارروائیوں کے بعد چینی سپلائی رُک گئی ہے جس سے قیمتوں میں اضافہ ہوا ہے۔