ٹک ٹاک اسٹار کنول آفتاب اور ذوالقرنین سکندر کی شادی کی تقریبات کا آغاز

جنت مرزا کے بعد پاکستان کی دوسری ٹاپ ٹک ٹاک اسٹار کنول آفتاب اور ذوالقرنین سکندر کی شادی کی تقریبات کا آغاز ہوگیا ہے۔

کنول آفتاب نے اپنی مایوں اور مہندی کی تقریب کی تصاویر اپنے آفیشل انسٹاگرام اکاؤنٹ کی اسٹوری میں شیئر کیں۔

انسٹاگرام اسٹوری میں شیئر کی گئی تصویروں میں دیکھا جاسکتا ہے کہ کنول آفتاب پیلے رنگ کے روایتی مایوں کے لباس میں ملبوس ہیں جبکہ اُن کے دونوں ہاتھوں میں ٹک ٹاک اسٹار ذوالقرنین سکندر کے نام کی مہندی لگی ہوئی ہے۔

اس کے علاوہ کنول آفتاب نے اپنی مہندی کی تقریب کی تصویریں اور ویڈیوز بھی انسٹا اسٹوری میں شیئر کیں جن میں اُنہوں نے خوبصورت لباس زیب تن کیا ہوا ہے۔

دوسری جانب ذوالقرنین سکندر نے بھی اپنی انسٹا اسٹوری میں اپنی مایوں کی تقریب کی تصویریں شیئر کیں۔

تصویروں میں دیکھا جاسکتا ہے کہ ذوالقرنین سکندر نے سفید لباس زیب تن کیا ہوا ہے اور اُن کے چہرے پر اُبٹن بھی لگا ہوا ہے۔

واضح رہے کہ کنول آفتاب اور ذوالقرنین سکندر قریبی دوست ہونے کے ساتھ ہی مختصر ویڈیو شیئرنگ ایپ ٹک ٹاک کے مقبول ترین ٹک ٹاکرز بھی ہیں۔

ٹک ٹاک ماڈل کنول آفتاب کے مختصر ویڈیو شیئرنگ ایپ ٹک ٹاک پر 12 اعشاریہ 1 ملین فالوورز ہیں جبکہ ذوالقرنین سکندر کے ٹک ٹاک فالوورز کی تعداد 11 اعشایہ 6 ملین ہے۔

کنول آفتاب ایک بار پھر ٹک ٹاک پر چھاگئیں

جنت مرزا کے بعد پاکستان کی دوسری ٹاپ ٹک ٹاک اسٹار کنول آفتاب نے مقبولیت کے نئے جھنڈے گاڑ دیے۔

لاہور سے تعلق رکھنے والی کنول آفتاب ناصرف ایک ٹک ٹاک اسٹار ہیں بلکہ وہ گزشتہ کچھ سالوں سے ایک نجی ویب چینل پر میزبانی کے فرائض بھی سرانجام دے رہی ہیں۔

10ملین فالوورز رکھنے والے پہلے پاکستانی ٹک ٹاک ہیرو کون؟

ذوالقرنین سکندر ویڈیو شیئرنگ ایپلیکیشن ٹک ٹاک پر ایک کروڑ فالوورز رکھنے والے پہلے پاکستانی ٹک ٹاک ہیرو بن گئے۔

دوسری جانب ذوالقرنین سکندر نے 2018 میں اپنے دوستوں کے ہمراہ ٹک ٹاک پر ویڈیوز بنانے کے ذریعے اپنے کیریئر کا آغاز کیا اور پھر تھوڑے ہی عرصے اپنی جاندار اداکاری کی بدولت مقبول ہو گئے۔