ندیم افضل چن کا وزیراعظم عمران خان کو مشورہ

20 اپریل ، 2021

قومی اسمبلی کے سابق رکن ندیم افضل چن نے وزیر اعظم عمران خان کو ملک میں امن و امان کی صورتحال کے معاملے پر مشور دے دیا۔

ندیم افضل چن نے ٹوئٹر پر جاری اپنے ایک پیغام میں کہا کہ ’جناب وزیراعظم آپ آل پارٹیز کانفرنس بلائیں کیونکہ اس وقت ملک میں مذہب ہم آہنگی، نیشنل ایکشن پلان پر تمام اسٹیک ہولڈرز کا مل کر بیٹھنا ضروری ہے۔

انہوں نے کہا کہ یہ مسائل ایک دو حکومتوں میں پیدا نہیں ہوئے، اس پر سب بڑے بیٹھ کر آنے والی نسلوں کو کوئی حل دیں۔

واضح رہے کہ گزشتہ روز عوام سے خطاب میں عمران خان کا کہنا تھا کہ فرانسیسی سفیر کو نکال کر تعلقات توڑنے کا مطلب یورپی یونین سے تعلقات توڑنا ہے، ہماری آدھی سے زائد ٹیکسٹائل کی برآمدات یورپی یونین میں جاتی ہیں۔

یہ بھی پڑھیے

انہوں نے کہا کہ یورپی یونین سے تعلقات ٹوٹنے سے ہماری برآمدات کو شدید نقصان پہنچے گا، ہماری صنعتیں بند ہو جائیں گی جس سے غربت اور مہنگائی بڑھے گی اس صورتحال کا نقصان فرانس کو نہیں بلکہ ہمیں ہو گا۔

تازہ ترین