فرمان الہی
نماز کے اوقات
کراچی میں طویل اور غیر اعلانیہ لوڈشیڈنگ پر گورنر سندھ عمران اسماعیل نے چیف ایگزیکٹو آفیسر (سی ای او) کے۔الیکٹرک مونس علوی کو طلب کرلیا۔
ترجمان گورنر سندھ کے مطابق مونس علوی سے ملاقات کے دوران عمران اسماعیل کراچی کے مختلف علاقوں میں لوڈشیڈنگ پر برہم ہوگئے۔
گورنر سندھ نے ہدایت کی کہ کراچی میں جاری لوڈشیڈنگ کے معاملات کو ذاتی طور پر دیکھیں اور شہر یوں کی شکایات کا فوری ازالہ کیا جائے۔
دوران ملاقات گورنر سندھ نے وفاقی وزیر برائے توانائی حماد اظہر سے بھی ٹیلیفونک رابطہ کیا۔
ترجمان گورنر سندھ کے مطابق اس دوران عمران اسماعیل نے لوڈشیڈنگ کی صورتحال بہتر بنانے اور کے۔الیکٹرک کے معاملات میں بہتری لانے پر زور دیا۔
وفاقی وزیر حماد اظہر نے بھی مونس علوی کو موقع پر ہی ہدایات جاری کیں۔
