فرمان الہی
نماز کے اوقات
اپوزیشن جماعت مسلم لیگ (ن) نے اپنے اور تحریک انصاف (پی ٹی آئی) کے دور حکومت کا معاشی موازانہ پیش کردیا۔
اعداد و شمار پر مبنی معاشی موازنے میں ن لیگ نے کہا کہ ہمارے دور حکومت میں شرح نمو 5 اعشاریہ8 فیصد تھی۔
ن لیگ کے مطابق 2019ء میں شرح نمو 2 اعشاریہ1 فیصد جبکہ 2020میں یہ شرح نمو مزید صفر اعشاریہ 5 کم ہوگئی۔
ن لیگ نے اعداد و شمار کی بنیاد پر دعویٰ کیا کہ پی ٹی آئی حکومت کے 3 سال میں شرح نمو صرف 1 اعشاریہ 8 فیصد رہی ہے۔
اپوزیشن جماعت نے مزید کہا کہ ہمارے دور حکومت 2017-18 میں جی ڈی پی آمدن 313 بلین ڈالرز جبکہ پی ٹی آئی کے 2020-21 میں جی ڈی پی آمدن 296 بلین ڈالرز ہے۔
ن لیگ کے مطابق پی ٹی آئی کے دور حکومت میں درآمدات میں 35 فیصد کمی آئی اور قرض کی شرح میں 52 فیصد اضافہ ہوا ہے۔
اعداد و شمار کی بنیاد پر ن لیگ نے دعویٰ کیا کہ ہمارے دور حکومت میں ہر سال 2100 ارب کا قرض لیا گیا جبکہ پی ٹی آئی حکومت میں 4300 ارب روپے کا ہر سال قرض لیا جارہا ہے۔
ن لیگ کے مطابق ہمارے لیے گئے قرض میں پاور پلانٹ، موٹر وے اور سی پیک پروجیکٹس شامل ہیں۔
اپوزیشن جماعت نے یہ بھی کہا کہ پی ٹی آئی حکومت کے 2 سالوں میں ایف بی آر ریونیو بڑھانے میں ناکام رہی ہے، ن لیگ کے دور تک 1 اعشاریہ 9 سے 3 اعشاریہ 8 ٹریلین تک ٹیکس ریونیو اکٹھا کیا گیا۔
