فرمان الہی
نماز کے اوقات
وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا ہے کہ گزشتہ 24 گھنٹوں میں 11284 نمونوں کی جانچ کی گئی۔ جس کے نتیجے میں مزید 868 نئے کیسز رپورٹ ہوئے۔
وزیراعلیٰ نے کہا کہ گزشتہ 24 گھنٹوں میں 12 اموات رپورٹ ہوئیں۔ جس کے بعد اموات کی مجموعی تعداد 5051 ہوچکی ہے۔
انھوں نے کہا کہ آج مزید 1675 مریض صحتیاب ہوئے ہیں۔ اس طرح صحتیاب افراد کی مجموعی تعداد 289403 ہوگئی۔ جبکہ اب تک 4120841 نمونوں کی جانچ کی جاچکی ہے۔ اب تک 319430 کیسز رپورٹ ہوچکے ہیں۔
وزیراعلیٰ سندھ نے بتایا کہ اس وقت 24976 مریض زیر علاج ہیں۔ جن میں سے 23954 گھروں پر، 25 آئسولیشن سینٹرز میں اور 997 مریض مختلف اسپتالوں میں زیر علاج ہیں۔
انھوں نے کہا کہ 929 مریضوں کی حالت تشویشناک بتائی گئی ہے اور 76 مریض وینٹی لیٹرز پر ہیں۔
صوبے کے 868 نئے کیسز میں سے 531 کا تعلق کراچی سے ہے۔ جن میں سے ضلع شرقی 183، ضلع وسطی 139، ضلع جنوبی 99، کورنگی اور غربی 44 ۔ 44 اور ملیر سے 22 نئے کیسز رپورٹ ہوئے۔
صوبے کے دیگر اضلاع حیدرآباد 36، خیرپور 24، میرپورخاص 23، سکھر 22، کشمور 19، بدین اور مٹیاری 18۔ 18، گھوٹکی، سانگھڑ 14، نوشہرو فیروز 13 اور ٹنڈو الہیار میں 12 کیسز سامنے آئے ہیں۔
اسی طرح سجاول، عمرکوٹ اور تھر پارکر 9 ۔ 9، ٹنڈو محمد خان 6، لاڑکانہ 4، قمبر، شکار پور اور جیکب آباد 2 ۔ 2، دادو، ٹھٹھہ اور شہید بے نظیر آباد سے 1۔1 کیس رپورٹ ہوا ہے۔
