داسو، بھاشا اور مہمند ڈیمز کی تعمیر کیلئے بجٹ مختص

قومی اسمبلی میں وفاقی وزیرِ خزانہ شوکت ترین کی جانب سے پیش کیے گئے مالی سال 22-2021ء کے وفاقی بجٹ میں داسو، بھاشا اور مہمند ڈیمز کی تعمیر کیلئے مختص کیے گئے بجٹ کی تفصیلات سے بھی آگاہ کیا گیا ہے۔

انہوں نے بتایا کہ تین بڑے ڈیموں داسو، بھاشا اور مہمند کی تعمیر ہماری ترجیح ہوگی۔

وفاقی وزیرِ خزانہ شوکت ترین کی بجٹ تقریر کے اہم نکات

وفاقی وزیرِ خزانہ شوکت ترین قومی اسمبلی میں مالی سال 22-2021ء کا وفاقی بجٹ پیش کر رہے ہیں۔

شوکت عزیز کا کہنا ہے کہ داسو ہائیڈرو پاور پراجیکٹ سے 2160 میگاواٹ بجلی پیدا کرنے کے لیے 8 اعشاریہ 5 ارب روپے مختص کرنے کی تجویز پیش کی گئی ہے۔

وزیرِ خزانہ کے مطابق اس پراجیکٹ کے پہلے مرحلے کے لیے 57 ارب روپے مختص کیے گئے ہیں۔

دفاعی بجٹ کیلئے 1373 ارب روپے مختص

قومی اسمبلی میں وفاقی وزیرِ خزانہ شوکت ترین کی جانب سے پیش کیئے گئے مالی سال 22-2021ء کے وفاقی بجٹ میں دفاعی بجٹ کے لیے 1373 ارب روپے مختص کیئے گئے ہیں۔

انہوں نے بتایا کہ دیامر بھاشا ڈیم کے لیے 23 ارب روپے مختص کرنے کی تجویز پیش کی گئی ہے، مہمند ڈیم کے لیے 6 ارب روپے مختص کرنے کی تجویز ہے۔

وفاقی وزیرِ خزانہ نے مزید بتایا کہ نیلم جہلم پاور پراجیکٹ کے لیے 14 ارب روپے مختص کرنے کی تجویز ہے، آبی تحفظ کے لیے 91 ارب روپے مختص کرنے کی تجویز دی گئی ہے۔

اپوزیشن کے شور شرابے میں 8 ہزار 487 ارب روپے کا وفاقی بجٹ پیش

قومی اسمبلی میں اپوزیشن کی جانب سے کیئے جانے والے شور شرابے اور احتجاج کے باوجود وفاقی وزیرِ خزانہ شوکت ترین نے 8 ہزار 487 ارب روپے کا مالی سال 22-2021ء کا وفاقی بجٹ پیش کر دیا۔

شوکت ترین نے یہ بھی بتایا کہ بجلی کی ترسیل کے منصوبوں کے لیے 118 ارب روپے رکھے گئے ہیں، اسلام آباد اور لاہور میں بجلی کی ٹرانسمیشن لائن کے لیے ساڑھے 7 ارب روپے رکھے گئے ہیں۔