امیر ،غریب کے لیے یکساں سبسڈی سرکاری وسائل کا زیاں ہے، وزیراعظم

وزیراعظم عمران خان نے کہا ہے کہ امیر اور غریب کو یکساں سبسڈی فراہم کرنا صرف سرکاری وسائل کا زیاں ہے۔

وزیراعظم نے ان خیالات کا اظہار اپنی زیر صدارت ہونے والے اجلاس کے دوران کیا۔

اجلاس میں وزیر خزانہ شوکت ترین، معاونین خصوصی ثانیہ نشتر، ڈاکٹر وقار مسعود، شہباز گل اور متعلقہ افسران نے شرکت کی۔

دوران اجلاس ثانیہ نشتر نے ٹارگٹڈ سبسڈی کی فراہمی سے متعلق مجوزہ نظام پر بریفنگ دی۔

شاہ محمود سمیت وزراء نے شہباز شریف کی تقریر کے دوران ہلڑ بازی کی، ن لیگ

اپوزیشن کی سب سے بڑی جماعت مسلم لیگ (ن) نے قومی اسمبلی کے آج کے اجلاس کو پارلیمنٹ کی ملکی تاریخ کا سیاہ دن قرار دیدیا۔

شہباز شریف کے بجٹ پر بولنے پر حکومت بوکھلاہٹ کا شکار ہوگئی، مریم اورنگزیب

اپوزیشن جماعت مسلم لیگ( ن ) کی ترجمان مریم اورنگزیب نے کہا ہے کہ شہباز شریف نے 2 جملے ہی بولے تھے کہ حکومت نے رونا شروع کردیا۔

انہوں نے شرکاء کو بتایا کہ احساس سروے 92 فیصد تک مکمل کر لیا گیا ہے اور یہ رواں ماہ ہی مکمل کرلیا جائے گا۔

بریفنگ کے دوران بتایا گیا کہ ٹارگٹڈ سبسڈی نظام کا مقصد کروڑوں خاندانوں کو مالی معاونت فراہم کرنا ہے۔

وزیراعظم نے ٹارگٹڈ سبسڈی سے متعلق نظام ترتیب دینے پر ثانیہ نشتر و دیگر کی کاوشوں کو سراہا۔

عمران خان نے دوران خطاب کہا کہ امیر اور غریب کویکساں سبسڈی فراہم کرنا صرف سرکاری وسائل کا زیاں ہے۔

انہوں نے کہا کہ یکساں سبسڈی نظام سے غریب لوگوں کی حق تلفی ہوتی ہے، جو اس کے زیادہ مستحق ہیں۔

وزیراعظم نے مزید کہا کہ کمزور طبقوں کو بنیادی اشیائے ضروریہ کی خریداری میں مالی معاونت فراہم کی جائے گی۔

اُن کا کہنا تھا کہ حکومت تمام مالی وسائل فراہم کرنے کے لئے پرعزم ہے، نئے نظام کو جلد حتمی شکل دی جائے تاکہ آئندہ ماہ سے اجرا کیا جا سکے۔