• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جونیئر کلرک کی بحالی کیخلاف آئی جی سندھ کی اپیل مسترد

سپریم کورٹ آف پاکستان نے پولیس میں غیر قانونی بھرتیوں کے معاملے پر جونیئر کلرک سہیل شوکت کی بحالی کے خلاف آئی جی سندھ پولیس کی اپیل زائد المیعاد ہونے پر مسترد کر دی۔

چیف جسٹس پاکستان گلزار احمد نے اس موقع پر استفسار کیا کہ پولیس کی ساری اپیلیں زائد المیعاد کیوں ہوتی ہیں؟

ایڈیشنل ایڈووکیٹ جنرل نے عدالت کو بتایا کہ بھرتیوں کی انکوائری میں سہیل شوکت کو برطرف کیا گیا تھا، سروس ٹریبونل نے سہیل شوکت کو بحال کردیا تھا۔

عدالتِ عظمیٰ نے کہا کہ دستاویزات غلط تھیں تو بھرتی کرنے والوں کے خلاف کارروائی کریں ، آپ کے جن افسروں نے تقرری کی ان کے خلاف کچھ نہیں ہوا؟

چیف جسٹس پاکستان نے کہا کہ کارروائی تو بھرتی کرنے والوں کے خلاف بھی ہونی چاہیئے، سابق آئی جی کے خلاف کارروائی کریں، ان کے خلاف کارروائی کیوں نہیں ہوتی؟

ایڈیشنل ایڈووکیٹ جنرل نے جواب دیا کہ سابق آئی جی کے خلاف نیب ریفرنس دائر ہو چکا ہے۔

قومی خبریں سے مزید