عمران خان سے رابطہ نہ کرنا بڑی غلطی ہوگی، امریکی سینیٹر

امریکی سینیٹر لنزے گراہم نے امریکی صدر جوبائیڈن کی جانب سے وزیراعظم عمران خان سے رابطہ نہ کرنے کو عراق میں امریکی آپریشن سے بھی بڑی غلطی قرار دے دیا۔  

ری پبلکن پارٹی سے تعلق رکھنے والے امریکی سینیٹر لنزے گراہم نے امریکی صدر جو بائیڈن کی جانب سے وزیراعظم پاکستان عمران خان سے رابطہ نہ کرنے پر حیرانی کا اظہار کیا۔ 

اپنے ایک بیان میں ان کا کہنا تھا کہ حیرت ہوئی کہ بائیڈن نے ابھی تک پاک امریکا تعلقات پر عمران خان سے رابطہ نہیں کیا۔

لنزے گراہم نے کہا کہ بائیڈن انتظامیہ کا یہ فیصلہ عراق میں کی جانے والی غلطی سے بھی بڑی غلطی ہوگی۔

امریکی سینیٹر کا کہنا تھا کہ بائیڈن انتظامیہ کو واضح طور پر یہ لگتا ہے کہ افغانستان میں ہمارے مسائل حل ہوچکے ہیں۔