• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پارک انکلیو ون میں ترقیاتی کاموں کو تیز کیا جائے، چیئرمین سی ڈی اے

میرا شہر
اسلام آباد
27 جون ، 2021
اسلام آباد( نیوز رپورٹر) چیئرمین کیپٹل ڈویلپمنٹ اتھارٹی عامر علی احمد نے گزشتہ روز پارک انکلیو کا دورہ کیا ، ترقیاتی کاموں کا جائزہ لیا اور موقع پر ہی متعلقہ شعبوں کے افسران کو ترقیاتی کام بروقت مکمل کرنے کی ہدایات جاری کیں ۔ تفصیلات کے مطابق چیئرمین سی ڈی اے نے ممبر انجینئرنگ منور شاہ ، ڈی جی ورکس ، ڈائریکٹر روڈ،پروجیکٹ ڈائریکٹر پارک انکلیو اور دیگر افسران کے ہمراہ پارک انکلیو کا دورہ کیا ۔ منور شاہ نے چیئرمین سی ڈی اے کو پارک انکلیوون، پارک انکلیو ٹو، پارک انکلیو تھری کے ترقیاتی کاموں کے حوالے سے بریفنگ دی۔چیئرمین سی ڈی اے نے ہدایت جاری کی کہ پارک انکلیو ون میں ترقیاتی کاموں کو تیز کیا جائے اور دسمبر 2021تک ہر صورت میں مکمل کیا جائے۔ پارک انکلیو ون میں شہری بنیادی سہولیات کو مزید بہتر کیا جائے۔ مون سون سے پہلے پھول اور پودے لگانے کے عمل کیلئے تیاری مکمل کرلی جائے۔ انہوں نے فسیلی ٹیشن سنٹر کا بھی جائزہ لیا ۔ انہوں نے ہدایت کی کہ مین ہولز کے ڈھکن لگانے کا کام دو روز میں مکمل کیا جائے ، رہائشیوں کی سکیورٹی انتظامات کو مزید بہتر مسجد کی تعمیر بھی فوری طور پر مکمل کی جائے۔۔ممبر انجینیرنگ نے بتایا کہ پارک انکلیو ٹومیں ڈرینج/سیورج لائنز کاکام 15جولائی سے شروع کر دیا جائے گا۔مزید براں سی ڈی اے انتظامیہ کے سربراہ نے ہدایات جا ری کیں کہ پارک انکلیو تھری میں بلڈاپ پراپرٹیز کا مسئلہ حل کر کے فوری طور پر قبضہ لیا جائے ۔شہریوں نے پارک انکلیو فیز 1میں سٹریٹ لائٹس اور دیگر ترقیاتی کاموں پر اطمینان کا اظہار کیا ۔
تازہ ترین