• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رسک الائونس کیلئے مظاہرہ کرنیوالے ہیلتھ ورکرز سے مذاکرات کامیاب

میرا شہر
اسلام آباد
29 جون ، 2021
اسلام آباد (خصوصی رپورٹ)حکومت کے رسک الاؤنس کیلئے مظاہرہ کرنے والے ہیلتھ ورکرز کے ساتھ مذاکرات کامیاب ہوگئے۔ وفاقی سرکاری ہسپتالوں کے ملازمین اورڈاکٹرزنے رسک الاؤنس کے معاملے پر احتجاج کیا۔ پولی کلینک ہسپتال کے ڈاکٹرز، نرسیں اور پیرامیڈیکلاسٹاف سڑکوں پر نکل آیا اور نیشنل پریس کلب تک مارچ کیا۔ مظاہرین کا کہنا تھاکہ ہیلتھ رسک الاؤنس نہ دیا تو تمام ویکسی نیشن سینٹر بند اور ائیرپورٹس پر سکریننگ بند کردیں گے۔ ہیلتھ ورکرز نے ڈاکٹرفیصل سلطان اور پارلیمانی سیکرٹری نوشین حامد سے مذاکرات کیے جو کہ کامیاب رہے۔ ترجمان وزارت صحت کا کہنا ہے کہ کورونا رسک الاؤنس کی تقسیم کے حوالے سے فارمولہ بنایا جائے گا اور ہیلتھ ورکرز کی سفارشات شامل کی جائیں گی۔
تازہ ترین