دورہ امریکا، شہباز گلِ نے بلاول بھٹو کی تصویر شیئر کردی

13 جولائی ، 2021

وزیراعظم عمران خان کے معاونِ خصوصی برائے سیاسی روابط ڈاکٹر شہباز گِل نے چیئرمین پیپلز پارٹی بلاول بھٹو زرداری کی نیویارک دورے کے دوران بینچ پر بیٹھے تصویر شیئر کردی۔

تصویر شیئر کرتے ہوئے شہباز گل نے لکھا کہ ’یہ ہیں صاحب جو یہاں پر ولی عہد بن کر گھومتے ہیں۔ ان کے ٹھاٹ باٹ دیکھنے والے ہوتے ہیں۔‘

انہوں نے یہ بھی لکھا کہ ’نوکری کی تلاش میں کیسے امریکا میں دربدر ہو رہے ہیں کبھی اس بینچ پر اور کبھی اس نکر میں۔‘

معاونِ خصوصی نے لکھا کہ جب سی وی پر صرف ایک پرچی ہو تو یہ تو ہوتا ہے۔

واضح رہے کہ پیپلزپارٹی کے چیئرمین بلاول بھٹو زرداری نجی دورے پر نیویارک میں ہیں، بلاول بھٹو زرداری نے نیویارک پہنچنے پر صحافیوں سے گفتگو سے گریز کیا اور کہاکہ وہ نجی دورے پر ہیں اگلی بار ستمبر میں آئیں گے تو صحافیوں سےگفتگو کریں گے۔