اداکارہ نائلہ جعفری انتقال کرگئیں

پاکستان کی نامور اداکارہ نائلہ جعفری کراچی میں انتقال کر گئیں۔

بھائی عاطف جعفری نے نائلہ جعفری کے انتقال کی تصدیق کی اور بتایا کہ وہ طویل عرصے سے کینسر کے مہلک مرض میں مبتلا تھیں۔

عاطف جعفری نے مزید کہا کہ نائلہ جعفری کی نماز جنازہ آج بعد نماز عشاء ڈیفنس فیز 2 میں ادا کی جائے گی۔

بھائی عاطف جعفری نے یہ بھی کہا کہ پاکستانی نامور اداکارہ کی تدفین کالا پل پر واقع آرمی قبرستان میں ہوگی۔

بھارتی سنگھ کی زندگی کا تلخ باب

کئی لوگوں کی چہروں پر مسکراہٹ بکھیرنے والی مزاحیہ اداکارہ بھارتی سنگھ نے اپنی زندگی کے تلخ باب سے پردہ اٹھادیا ہے۔

واضح رہے کہ اداکارہ نائلہ جعفری نے تھیٹر اور ڈراموں میں اداکاری کے جوہر دکھائے، انہوں نے ٹیلی ویژن کے بھی متعدد ڈراموں میں جاندار اداکاری سے اپنی صلاحیتوں کا لوہا منوایا۔

نائلہ جعفری نے کیرئیر کی ابتدا ریڈیو سے کی اور 1990 میں ٹی وی پر اداکاری کا آغاز کیا۔

نائلہ جعفری کے مشہور ڈراموں میں ماں مجھ کو سلانا، عکس، اک کسک رہ گئی، دیسی گرلز اور تھوڑی سی خوشیاں شامل ہیں۔

فلم ’ڈر‘ کیلئے عامر خان نے خود شاہ رخ کا نام کیا

بالی ووڈ کے مسٹر پرفیکشنسٹ عامر خان نے یش چوپڑا کی فلم ڈر کرنے سے انکار کیا اور اس کےلیے شاہ رخ خان لینے کی تجویز دی ، جس نے کنگ خان کےلیے کامیابی کےنئے دروازے کھول دیے۔

نائلہ جعفری نے اشفاق احمد کے ڈرامے ’ایک محبت سو افسانے‘ میں بھی کام کیا۔ وہ فیشن ڈیزائنر بھی تھیں۔

یاد رہے کہ چند ماہ قبل نائلہ جعفری کی ایک ویڈیو وائرل ہوئی تھی، جس میں انہوں نے ٹی وی مالکان، ڈراما سازوں اور مخیر حضرات سے مدد کی اپیل کی تھی۔

مدد کی اپیل کرنے کی ویڈیو میں نائلہ جعفری کو اسپتال کے بستر پر کسمپرسی کی حالت میں دیکھا جا سکتا تھا اور وہ مدد کی اپیل کرتے ہوئے آبدیدہ بھی ہوگئی تھیں۔