ممبئی پولیس کا شلپا شیٹی سے متعلق اہم فیصلہ

ممبئی پولیس کی جانب سے بھارتی اداکارہ شلپا شیٹی کو اُن کے شوہر راج کندرا کے فحش فلمیں بنانے کے کیس میں طلب نہ کرنے کا فیصلہ کیا گیا ہے۔

بھارتی میڈیا رپورٹس کے مطابق عدالت کی جانب سے شلپا شیٹی کے شوہر راج کندرا کو فحش فلمیں بنانے کے کیس میں 23 جولائی تک پولیس کی تحویل میں دیا گیا تھا، فحش فلمیں بنانے کے کیس میں بطور مرکزی ملزم نامزد راج کندرا کی گرفتاری کے بعد شلپا شیٹی کی حراست سے متعلق بھی قیاس آرائیاں کی جارہی تھیں۔

شوہر کی گرفتاری پر شلپا شیٹی کا پہلا بیان سامنے آ گیا

بھارتی اداکارہ شلپا شیٹی کی جانب سے شوہر کی گرفتاری کے بعد سوشل میڈیا پر پہلی پوسٹ شیئر کی گئی ہے جس میں انہوں نے شوہر کی گرفتاری کے بعد خود کے لیے پیش آنے والی مشکلات سے متعلق بات کی ہے۔

بھارتی میڈیا پر یہ خبریں زیر گردش تھیں کہ شلپا شیٹی کو بھی جلد ہی اس کیس میں طلب کیا جائے گا جبکہ اب ممبئی پولیس کی جانب سے ایک واضح بیان میں کہا گیا ہے کہ شلپا شیٹی کو عدالت میں طلبی کا نوٹس جاری کرنے کا کوئی ارادہ نہیں ہے، راج کندرا کیس میں تاحال شلپا شیٹی کا کوئی کردار سامنے نہیں آیا ہے۔

بھارتی پولیس کا بتانا ہے کہ شلپا شیٹی کے اس کیس میں کردار سے متعلق مزید تحقیقات جاری ہیں۔

غریب خاندان سے تعلق کی وجہ سے غربت سے نفرت تھی،راج کندرا

بالی ووڈ اداکارہ شلپا شیٹھی کے بزنس مین شوہر راج کندرا جو کہ حال ہی میں فحش فلموں کی پروڈکشن اور انھیں ایپس پر اسٹیریمنگ کرنے کے الزام میں دیگر گیارہ افراد کے ساتھ ممبئی پولیس کی حراست میں ہیں۔

واضح رہے کہ اس سے قبل ممبئی پولیس نے ملزم راج کندرا کے گھر پر چھاپہ مار کر 70 سے زائد عریاں ویڈیوز سمیت سرور کو بھی ضبط کیا تھا، 45 سالہ راج کندرا سمیت دیگر 11 لوگوں کو فحش فلمیں بنانے اور پھر موبائل ایپس پر پھیلانے کے الزام میں گرفتار کیا گیا ہے۔

راج کندرا کی گرفتاری، اسی لیے میں بالی ووڈ انڈسٹری کو گٹر کہتی تھی، کنگنا رناوت

بالی ووڈ کی متنازع بیاناتا جاری کرنے کے حوالے سے معروف اداکارہ کنگنا رناوت نے اداکارہ شلپا شیٹھی کے شوہر راج کندرا کی گرفتاری کے حوالے سے ایک پوسٹ شیئر کی ہے۔

ممبئی پولیس کا دعویٰ ہےکہ راج کندرا کم سے کم دو برس کے عرصے سے فحش فلموں کا کام کررہے تھے۔