• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خان صاحب اکثریت کھوچکے، یہ اقلیت کی حکومت ہے، بلاول بھٹو

تازہ ترین
قومی خبریں
10 ستمبر ، 2021


چیئرمین پاکستان پیپلز پارٹی بلاول بھٹو زرداری نے کہا ہے کہ خان صاحب اکثریت کھوچکے، یہ اقلیت کی حکومت ہے۔

رحیم یار خان میں خطاب کے دوران بلاول بھٹو زرداری نے کہا کہ کٹھ پتلی اور سلیکٹڈ نے پاکستان کے ہر شہری کو تکلیف میں ڈالا ہوا ہے۔

انہوں نے کہا کہ کٹھ پتلی وزیراعظم نے ایک کروڑ نوکریاں دینے کا وعدہ کیا تھا، خان صاحب اپنی اکثریت کھوچکے ہیں، یہ اقلیت کی حکومت ہے۔

فواد چوہدری الیکشن کمیشن سے متعلق اعظم سواتی کی بات سے لاعلم نکلے، تبصرے سے انکار

وفاقی وزیر اطلاعات و نشریات فواد چوہدری نے وفاقی وزیر ریلوے اعظم سواتی کے بیان پر تبصرہ کرنے سے انکار کردیا۔

پی پی چیئرمین نے مزید کہا کہ ہمارے دور میں عالمی مالیاتی بحران آیا لیکن ہم نے عوام کو لاوارث نہیں چھوڑا تھا۔

اُن کا کہنا تھا کہ مہنگائی کے باوجود ہم نے اپنے دور میں مزدور کی تنخواہوں میں اضافہ کیا، پی پی کے دور میں غریبوں کے لیے بےنظیر انکم سپورٹ پروگرام شروع کیا گیا۔

لوگ حکومت سے تنگ ہیں، وہ اس کا خاتمہ چاہتے ہیں، راجا پرویز اشرف

پیپلز پارٹی وسطی پنجاب کے صدر اور سابق وزیراعظم راجا پرویز اشرف نے کہا ہے کہ لوگ حکومت سے تنگ ہیں،وہ اس کا خاتمہ چاہتے ہیں۔

بلاول بھٹو زرداری نے یہ بھی کہا کہ دوستوں سے مطالبہ ہے عدم اعتماد لائیں عثمان بزدار کو ہٹائیں، اگر آپ عدم اعتماد نہیں لاتے تو پھراستعفیٰ دے دیں اور اسمبلی چھوڑیں۔

انہوں نے کہا کہ ہم دوستوں سے مطالبہ کریں گے کہ وہ عمران خان کے خلاف عدم اعتماد لائیں اور وزیراعظم کو ہٹادیں، پیپلز پارٹی ہی جنوبی پنجاب کو صوبہ بنائے گی۔

تازہ ترین