اپوزیشن قیادت واک آؤٹ کے بعد صحافیوں کے دھرنے میں پہنچی

پارلیمنٹ کے مشترکہ اجلاس سے واک آؤٹ کے بعد اپوزیشن قیادت صحافیوں کے دھرنے میں پہنچ گئی۔

پارلیمنٹ ہاؤس سے نکلنے کے بعد اپوزیشن لیڈر شہباز شریف اور بلاول بھٹو زرداری دیگر اراکین کے ہمراہ ایک ساتھ صحافیوں کے دھرنے میں پہنچے۔

اس موقع پر شہباز شریف، بلاول بھٹو زرداری اور مولانا اسعد نے خطاب کیا۔

وزیراعظم آزادی رائے یا آزادی صحافت پر قدغن نہیں لگائیں گے، فیصل جاوید

حکومتی سینیٹر فیصل جاوید نے کہا ہے کہ وزیراعظم عمران خان آزادی رائے یا آزادی صحافت پر قدغن نہیں لگائیں گے۔

شہباز شریف نے اپنے خطاب میں کہا کہ اپوزیشن جماعتوں نے پارلیمان میں صحافیوں کے لیے بھرپور احتجاج کیا ہے۔

انہوں نے کہا کہ ہم نے وہاں نعرے لگائے اور مشترکہ اجلاس کا واک آؤٹ کرکے یہاں چلے آئے ہیں۔

پی ایف یو جے کا پارلیمنٹ ہاؤس کے سامنے 2 دن سے جاری دھرنا ختم

پاکستان فیڈرل یونین آف جرنلسٹ (پی ایف یو جے) نے پارلیمنٹ ہاؤس کے سامنے2 دن سے جاری دھرنا ختم کردیا۔

بلاول بھٹو زرداری نےکہا کہ آزادی صحافت پر اپوزیشن جماعتیں ایک ہی پیج پر ہیں۔

اُن کا کہنا تھاکہ پارلیمان میں پی ایم ڈی اے قانون کی بھرپور مخالفت کریں گے، کٹھ پتلی کو جلد پتا چل جائے گا پاکستان کے صحافی کو چُپ کرانا آسان نہیں۔