-
فرمان الہی
-
نماز کے اوقات
- ہفتہ 11؍شوال المکرم 1445ھ20؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان کی قومی ایئر لائن پاکستان انٹرنیشنل کے بیڑوں میں دو طیاروں کا اضافہ ہوگیا ہے جن میں سے ایک نئی ایئر بس وفاقی دارالحکومت اسلام آباد پہنچ گئی ہے۔
ترجمان پی آئی اے کے مطابق پاکستان انٹرنیشنل نے ٹینڈر کے ذریعے دو طیارے حاصل کیے ہیں جن میں سے ایک ایئر بس اسلام آباد پہنچ گئی ہے جبکہ دوسرا طیارہ آئندہ دنوں میں پاکستان پہنچے گا، دونوں طیارے 2017ء ساخت کے ہیں۔
کوویڈ19 اور عالمی ہوا بازی کے حالات کے باعث پی آئی اے گزشتہ دو سالوں سے طیارے حاصل نہیں کرسکا تھا۔
ان طیاروں کے اضافے سے پی آئی اے اپنے مسافروں کو مزید بہتر اور آرام دہ سفری سہولیات مہیا کرے گا۔
ایئر مارشل ارشد ملک کے مطابق نئے طیاروں کا حصول اللّٰہ کی مہربانی اور میری ٹیم کی کاوشوں سے عمل میں آیا ہے، یہ اللّٰہ کا خاص کرم اور میری ٹیم کی شب و روز کی محنت کا ثمر ہے۔
اس موقع پر سی ای او پی آئی اے نے خصوصی طور پر پی آئی اے کے بورڈ آف ڈائریکٹرز اور وزیر ہوابازی کا بھی شکریہ ادا کیا۔
