خیبرپختونخوا کے 6 اضلاع میں آلودہ سبزیاں صحت کیلئے سنگین خطرہ

28 ستمبر ، 2021

پشاور(ارشد عزیز ملک )خیبرپختونخوا کے چھ اضلاع کی آلودہ سبزیاں انسانی صحت کے لئے سنگین خطرہ بن چکی ہیں ۔

صنعتی آلودگی ٗہسپتالوں اور گھروں کے گندے پانی سے سیراب ہونے والی مٹی ، پانی اور سبزیوں میں ایک یا ایک سے زیادہ عناصر کی بھاری زہریلی دھاتوں کی موجودگی کے شواہد سامنے آئے ہیں۔

خیبر پختونخوا کے محکمہ زراعت اور لائیو سٹاک کی ایک رپورٹ کے مطابق زہریلے عناصر ناقابلِ تنسیخ اور لمبی مدت تک برقرار رہتے ہیں جبکہ ہضم بھی نہیں ہوتے۔

زہریلی سبزیاں اور فصلیں استعمال کرنے سے ،دل کے امراض ، کینسر ، خون کی کمی ، گردوں ٗاعصابی نظام ٗذہن ، دماغ ، جلد ، اور ہڈیوںکے امراض جنم لیتے ہیں ۔

بھاری دھاتوں کے حوالے سے سب سے زیادہ آلودہ سبزیوں کے نمونے پشاور سےملے جبکہ ایبٹ آباد ، ڈی آئی خان ، مردان ، مانسہرہ اور چارسدہ کی سبزیاں بھی آلودہ ہیں ۔

تازہ ترین