راچڈیل(نما ئندہ جنگ)یوکرائن میں اپنے جنگ زدہ ماحول اور گھر سے بھاگ کر برطانیہ پہنچنے والے ایک 9افراد کی فیملی کو گھر کے مالک نے نکالنے کا عندیہ دیدیا، مذکورہ خاندان صرف ایک ماہ قبل برطانیہ پہنچا تھا، گھر کا مالک رائل نیوی کا آفیسر ہے، میکسم ہائیرک اور ان کی اہلیہ اولگا کا کہنا ہے کہ وہ اپنے میزبانوں کے زبردستی باہر نکالنے کے فیصلے سے حیران ہیں کیونکہ اس کی کوئی وجہ نہیں ہے، اب تک جوڑے اور ان کے پانچ چھوٹے بچوں نے اپنی نئی رہائش کی ادائیگی میں مدد کے لیے جسٹ گیونگ صفحہ قائم کرنے کیلئے 5ہزار745پائونڈ جمع کیے،میکسم نے کہایقیناً ہم تھوڑا ناراض ہیں لیکن پریشان بھی ہیں کہ وہ ایسا کر سکتے ہیں، کیلی اور اس کے شوہر نے بہت خوش آمدید کہا اور ہمیں یہ احساس دلایا کہ یہ وہ جگہ ہے جہاں ہم ٹھہر سکتے ہیں، پھر انہوں نے ہم سے بات کرنا چھوڑ دی اور ہمارے پاس خط تھا جس میں کہا گیا تھا کہ ہمیں بے دخل کیا جا رہا ہے ہمارے پاس 15 جولائی تک کا وقت ہے۔انہوں نے انٹرنیٹ بھی منقطع کر دیا ہے تاکہ ہمارے لیے ای میل اور بات چیت کرنا مشکل ہو جائے، گھر کے مالکان سنگدلی کا مظاہرہ کر رہے ہیں، ہم واقعی فریہم میں رہنا چاہتے ہیں یہ وہ جگہ ہے جہاں ہم اپنی زندگی دوبارہ شروع کر سکتے ہیں، ہمیں یوکرین واپس نہیں جانا پڑے گا۔انہوں نے بتایا کہ گھر کا مالک بحریہ میں ایک سینئر آفیسر کے طور پر کام کرتا ہے وہ شادی شدی اوراسکے دو چھوٹے بچے ہیں۔ انہوں نے فوج میں 20 سالہ کیریئر کا لطف اٹھایا ہے، پورٹسماؤتھ میں بحریہ کے ہیڈکوارٹر میں مقیم 40 سالہ مسٹر مالسٹر برطانیہ کی ہائی ریڈی نیس میری ٹائم فورس سے منسلک ہیں، جنہوں نے افغانستان، بحرین میں خدمات انجام دی ہیں ۔مسٹر مالسٹر اور ان کی بیوی کیلی اس خاندان کے اگلے دروازے پر رہتے ہیں جسے انہوں نے حکومت کے دوبارہ آبادکاری کے پروگرام کے تحت پناہ دینے کی پیشکش کی تھی یہ جائیداد پہلے کیلی کے والد نارمن ڈکٹ کی ملکیت تھی جب وہ گزشتہ سال انتقال کر گئے تھے۔