بیروت (نیوز ڈیسک ) لبنان کی پارلیمان میں بجٹ اجلاس کے دوران مظاہرین نے دھاوا بول دیا،جس کے بعد پارلیمان کے باہر کا علاقہ میدان جنگ بن گیا۔ خبررساں اداروں کے مطابق بجٹ اجلاس کے دوران سیکڑوں ریٹائرڈ سروس ملازمین اور شہریوں نے پارلیمان پر دھاوا بول دیا۔ سابق فوجی افسران پارلیمان زون کی حفاظتی باڑ کو توڑ کر احاطے میں داخل ہو گئے۔اس موقع پر مظاہرین اور سیکورٹی فورسز کے درمیان جھڑپیں بھی ہوئیں اور مظاہرین کو منتشر کرنے کے لیے سرکاری اہلکاوں نے آنسو گیس کا استعمال کیا۔