فلسطین میں یہودیوں کی جانب سے قبضے کے تحت بنائی گئی نئی آبادیوں اور مقدس مقامات کی پامالی کا سلسلہ بھی جاری ہے۔
مائیکرو بلاگنگ ویب سائٹ ٹوئٹر پر پیج ’فلسطین آن لائن‘ کی جانب سے جاری کی گئی ایک ویڈیو سوشل میڈیا پر خوب وائرل ہو گئی ہے۔
یہ ویڈیو فلسطین کے شہر ہیبرن کی ہے جہاں نو آباد کار یہودی مسجدِ ابراہیمی میں میوزیکل شو کے ساتھ رقص کرتے دکھائی دے رہے ہیں۔
مذہبی جذبات مجروح کر دینے والی یہ ویڈیو سوشل میڈیا سائٹس پر خوب وائرل ہو گئی ہے جسے دیکھ کر مسلمان افسوس اور فلسطینیوں کے ساتھ اظہارِ یکجہتی کا اظہار کر رہے ہیں۔