لاہور(جنرل رپورٹر) حکومت پنجاب نے محکمہ سپیشلائزڈہیلتھ کئیراینڈمیڈیکل ایجوکیشن پنجاب کو سرکاری ٹیچنگ ہسپتالوں کی مینٹیننس اور رپیئرنگ کی مدمیں مالی سال2022-23کیلئے اڑھائی ارب روپے کے فنڈزکی منظوری دے دی گئی۔محکمہ خزانہ نے محکمہ سپیشلائزڈہیلتھ کئیراینڈمیڈیکل ایجوکیشن کو 7 کروڑ 66 لاکھ روپے جاری کردئیے سیکرٹری صحت پنجاب ڈاکٹراحمدجاویدقاضی نے تمام وائس چانسلرز ، پرنسپلزاور ایم ایس حضرات کو ہدایات جاری کر دی ہیں ۔ ڈاکٹراحمدجاویدقاضی نے فنڈزکی تفصیلات حاصل کرلیں ۔ تمام وائس چانسلرز، پرنسپلزاور ایم ایس حضرات 5دسمبرتک محکمہ سپیشلائزڈہیلتھ کئیراینڈمیڈیکل ایجوکیشن کو مینٹیننس اوررپئیرنگ کی تفصیلات ارسال کریں۔