لندن ( وجاہت علی خان ) برطانیہ میں دہشت گردی اور بڑھتی ہوئی انتہائی دائیں بازو کی انتہا پسندی پر پولیس کو شدید تشویش ہے، انسداد دہشت گردی کے ایک ڈیٹکٹیو نے کہا ہے کہ نیو نازی گروپوں اور انتہائی دائیں بازو کی انتہا پسندی میں ملوث نوجوانوں میں ناقابل یقین حد تک اضافہ ہو رہا ہے۔ ڈپٹی سپرنٹینڈنٹ گریتھ ریس کے مطابق پولیس اس معاملے میں روایتی طریقے سے گرفتاری نہیں کر سکتی۔ بدھ کے روز کارڈف سے تعلق رکھنے والے 20 سالہ لوکا بیننکاسا کو نیو نازی گروپ کا رکن ہونے کا اعتراف کرنے کے بعد جیل بھیج دیا گیا۔گریتھ ریس نے کہا کہ کم عمر نوجوانوں کا رحجان انتہاپسندی کی طرف ہو سکتا ہے ، کاؤنٹر ٹیررازم پولیسنگ میں دائیں بازو کی دہشت گردی سے نمٹنے کی قیادت کرنے والے ڈیٹ سپرٹ ریز نے کہا کہ یہ سمجھنے کی ضرورت ہے کہ ہم کس طرح نوجوانوں کو فیصلے کرنے اور ایک ایسے علاقے میں کھینچے جانے سے روک سکتے ہیں جو بہت افسوسناک اور بہت نقصان دہ ہے۔ گریتھ ریس نے کہا کہ انتہائی انتہا پسند برطانوی نیو نازی اور انتہائی دائیں بازو کے گروہوں کو بے نقاب کرنا اینٹی فاشزم پر تحقیق کرنا ہماری اولین ترجیح ہے، انہوں نے کہا حیران کن طور پر 13 یا 14 سالہ نوجوان بھی دہشت گردانہ رویے میں ملوث ہیں، اور ان کی تعداد میں اضافہ ہو رہا ہے۔ برطانوی کاؤنٹر ٹیررازم پولیس نے کہا ہے کہ آن لائن انتہا پسندانہ مواد کی بڑی مقدار کو تلاش کرنا ایک اہم چیلنج ہے، ڈیتھ ریس نے کہا کہ انٹرنیٹ دائیں بازو کے لوگوں کے لیے ایک "غیر معمولی طور پر اہم" ٹول ہے۔