فرمان الہی
نماز کے اوقات
اسلام آباد( نمائندہ جنگ)ملک میں رواں ہفتے مہنگائی بڑھ کر 32.57فیصد ہو گئی ہے، حساس اشاریوں کےا نڈیکس کے مطابق 51اشیائے ضروریہ میں سے 25اشیاء کی قیمتوں میں اضافہ ہوا، 6کی قیمتوں میں کمی اور 20اشیا ء کی قیمتیں مستحکم رہی ہیں ، پاکستان بیوروآف شماریات کے مطابق گزشتہ برس اسی ہفتہ کے مقابلے میں رواں برس پیاز کی اوسط قیمت میں 207روپے فی کلوگرام اضافہ ہواجو گزشتہ برس39روپے فی کلوتھی جو بڑھ کر 246روپے 57پیسے ہو گئی ہے، ایل پی جی کے سیلنڈر کی قیمت میں561روپے ، چاول42روپے فی کلو، چاول باسمتی کی قیمت میں 62روپے فی کلوگرام ، کیلا45روپے فی درجن، لہسن 70روپے فی کلوگرام،گندم کا20کلوگرام آٹے کی اوسط قیمت میں 568روپےاضافہ ہوا، دال چنا 73روپے فی کلوگرام ، انڈے 119روپے فی درجن ، بریڈ30روپے ، مٹن کی اوسط قیمت 363روپے فی کلو، بیف 124روپے فی کلو، گھی کی قیمت میں گزشتہ برس کے مقابلے میں 108روپے اضافہ ہوا، مرغی کی اوسط قیمت میں 187روپے فی کلوگرام اضافہ ہوا، تازہ دودھ کی قیمت میں 35روپے فی کلوگرام ، لپٹن پتی 187روپے190گرام کے فی پیک اضافہ ہوا، پیٹرول کی قیمت 67روپے فی لٹر، ہائی سپیڈ ڈیزل کی قیمت میں 83روپے فی لٹر اضافہ ہوا، گزشتہ برس کے مقابلے میں ٹماٹر کی قیمت میں22روپے فی کلوگرام کمی ہوئی، بجلی کی قیمت میں فی یونٹ ایک روپےکمی ہوئی ، آلو، چینی کی قیمتیں برقرار رہیں۔
