• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت سے مذاکرات ماضی کے مکر و فریب کو مدِ نظر رکھتے ہوئے کئے جائیں، آفاق احمد

آج کا اخبار
اہم خبریں
13 مئی ، 2025
کراچی(اسٹاف رپورٹر)چیئر مین آفاق احمد نے اپنی رہائشگاہ سے جاری اپنے پیغام میں کہا کہ بھارت جسے چالاک و مکار دشمن سے مذاکرات اسکے ماضی کے مکرو فریب کو مدِ نظر رکھتے ہوئے کئے جائیں،بھارتی رہنما جس طرح غلط بیانی اوردھوکے سے دنیا کے ممالک کی نظروں میں دھول جھونکتے آئے ہیں اور بھارتی میڈیا منفی پروپرگنڈے کے زریعے پاکستان کی ساکھ دنیا بھر میں متاثر کرنے کی ناکام کوشش کرتا رہا ہے اورپاکستان کو دنیا کے سامنے ایک ایسی ریاست ثابت کررہا ہے، جو دہشت گردی کے زمرے میں آتی ہے، جبکہ سب سے بڑا دہشت گرد بھارت خود ہے جو اقلیتوں کے ساتھ انسانیت سوزسلوک اور عبادت گاہوں کو نقصان پہنچانے کا کوئی موقع ہاتھ سے جانے نہیں دیتا۔ آفاق احمد نے مسئلہ کشمیر کے حوالے سے دوٹوک مؤقف اختیا ر کرتے ہوئے کہا کہ کشمیر پاکستان کی شہ رگ ہے ،جہاں سے تمام دریا پاکستان کی جانب بہتے ہیں ،لہٰذاسندھ طاس معاہدہ جو بھارت نے مبینہ طورپر منسوخ کیا ہے،اس کا اس معاہدے میں زیر بحث لانا ضروری ہے اور مذاکرات کومسئلہ کشمیر اور سندھ طاس معاہدے سے مشروط کیا جائے، جو تمام مسائل کی بنیادی وجہ ہے جس کا حل ہونا ناگزیر ہے۔
اہم خبریں سے مزید