ہوم سیکرٹری کا گریجویٹ ویزا میں ’’اصلاح‘‘ کرنے کا منصوبہ تیار

January 29, 2023

مانچسٹر (غلام مصطفیٰ مغل) برطانوی وزیر داخلہ سویلا بریورمین نے گریجویٹ ویزا میں ’’اصلاح‘‘ کرنے کا منصوبہ تیار کیا ہے جس کے تحت طلبہ کو ہنر مند ملازمت حاصل کرکے ورک ویزا حاصل کرنے یا چھ ماہ کے بعد برطانیہ چھوڑنے کی ضرورت ہوتی ہے، اس مقالے میں ایک لیک ہونے والے مشورے کا حوالہ دیا گیا ہے جس میں کہا گیا ہے کہ یوکے ڈپارٹمنٹ فار ایجوکیشن (DfE) تبدیلیوں کو روکنے کی کوشش کر رہا ہے کیونکہ انہیں خدشہ ہے کہ اس سے غیر ملکی طلبہ کیلئے برطانیہ کی کشش کو نقصان پہنچے گا، بریورمین کے منصوبے کی حمایت کرنے والے ایک سرکاری ذریعے نے کہا کہ گریجویٹ ویزا کا استعمال ’’کم قابل احترام یونیورسٹیز‘‘ میں شارٹ کورسز کے طلبہ کے ذریعے کیا جا رہا ہے۔ اخبار نے ذرائع کے حوالے سے بتایا کہ ’’اسے بیک ڈور امیگریشن روٹ کے طور پر استعمال کیا جا رہا ہے‘‘۔ حکومتی اعداد و شمار کے مطابق ہندوستانیوں نے پچھلے سال غیر ملکی طلبہ کی سب سے بڑی جماعت کے طور پر چینیوں کو پیچھے چھوڑ دیا تھا اور گریجویٹ ویزا پر ہندوستانیوں کا غلبہ تھا جو ویزوں کا 41فیصدبنتا ہے۔ بریورمین کا منصوبہ ان میں شامل ہے جب وزیر اعظم رشی سوناک نے ہوم آفس اور ڈی ایف ای سے برطانیہ آنے والے غیر ملکی طلبہ کی تعداد کو کم کرنے کیلئے تجاویز پیش کرنے کو کہا، پچھلے ہفتے شائع ہونے والے اعداد و شمار سے پتہ چلتا ہے کہ برطانیہ میں 6,80,000 غیر ملکی طلباء موجود ہیں۔