پاکستان کی معروف اداکارہ ماہرہ خان نے اداکارہ حرا مانی، ڈائریکٹر نبیل قریشی اوران کی ٹیم پر حملے کی مذمت کرتے ہوئے سوال اٹھادیے۔
سماجی رابطے کی ویب سائٹ ٹوئٹر پر خوبرو اداکارہ نے ڈائریکٹر نبیل قریشی کی ٹوئٹ کو ری ٹوئٹ کیا۔
اداکارہ ماہرہ خان نے اپنے بیان میں لکھا کہ اس حملے پر یقین بھی نہیں آرہا، بتایا جائے اس کا ذمہ دار کون ہے؟
انہوں نے مزید کہا کہ اداکاروں پر حملے کا جواب کون دے گا؟
واضح رہے کہ کراچی کے علاقے جمشید کوارٹر میں ڈرامے کی شوٹنگ کے دوران اداکارہ حرا مانی، فلم ڈائریکٹر نبیل قریشی اور دیگر عملے پر علاقہ مکینوں نے حملہ کیا اور اسٹاف سے بدتمیزی کی۔