کراچی(اسٹاف رپورٹر)کورنگی صنعتی ایریا پولیس نے حساس ادارے کے ساتھ ملکر RAW کے تربیت یافتہ ماسٹر مائنڈ ایجنٹ شیخ محمد ایوب عرف ایوب انصاری کو ساتھی احسن رضا سمیت گرفتار کر لیا، ملزمان کو چند روز قبل گرفتار کئے گئےبھارتی خفیہ ایجنسیRAW کے دہشتگردوں سے تفتیش کی روشنی میں گرفتارکیا گیا۔ضلع کورنگی پولیس کے ترجمان کی جانب سے جاری اعلامیہ میں بتایا گیا ہےکہ گرفتار دہشت گرد اپنے مشن پر 1998 سے پاکستان میں اپنی بھارتی شناخت چھپا کر غیر قانونی طور پر پاکستان کی سرزمین پر مقیم تھا،گرفتار بھارتی ایجنٹ سے ابتدائی تفتیش کے دوران معلوم ہوا ہےکہ گرفتار دہشتگرد بھارت کے شہر بمبئی میں پیدا ہوا ہے،ابتدائی تعلیم کھنڈالا سے حاصل کی ،ملزم وزٹ ویزا پر 1998 میں بمبئی سے کراچی آیا اور غیر قانونی طریقہ سے پاکستانی پاسپورٹ اور شناختی کارڈحاصل کیا۔