صارم برنی کی ضمانت کیلئے سیشن عدالت میں درخواست دائر، جوڈیشل مجسٹریٹ نے حقائق کو نظر انداز کیا، موقف

June 13, 2024

کراچی (اسٹاف رپورٹر) بچوں کی اسمگلنگ اور دستاویزات میں ردوبدل سے متعلق مقدمہ میں وکلا صفائی نے سیشن عدالت میں صارم برنی کی ضمانت کی درخواست دائر کردی،درخواست میں موقف اپنایا گیا کہ جوڈیشل مجسٹریٹ نے حقائق کو نظر انداز کرکے ضمانت کی درخواست مسترد کردی ہے، صارم برنی پر تمام الزامات بے بنیاد ، کسی بچے کو لاوارث قرار دیکر منتقل نہیں کیا، والدین خود بچوں کو ٹرسٹ میں چھوڑ کر جاتے رہے ہیں، بچوں کو تمام قانونی تقاضے پورے کرنے کے بعد خاندانوں کے حوالے کیا گیا۔