کیمبرج ( نیوز ڈیسک) سائنس دانوں نے ایک ایسا اسفنج بنایا ہے جو ہوا سے کاربن کشید کر سکتا ہے۔یہ اسفنج چارکول کو چارج کرتے ہوئے بالکل بیٹری کی طرح کام کرتا ہے اور چارج ہونے کے بعد اسفنج ہوا سے براہ راست کاربن ڈائی آکسائیڈ کشید کرنے کے قابل ہوجاتا ہے۔تحقیق میں شامل سائنس دانوں کا کہنا تھا کہ انہوں نے اس مواد کا انتخاب اس کے سستے، مستحکم اور وافر مقدار میں بنائے جانے کی وجہ سے کیا ۔یونیورسٹی آف کیمبرج سے تعلق رکھنے والے تحقیق کے سربراہ ایلگزینڈر فورس کا کہنا تھا کہ ماحول سے کاربن اخراج کو کشید کرنا آخری حل ہے لیکن موسمیاتی ایمرجنسی کے پیمانے کو دیکھتے ہوئے یہ حل ایک ایسی چیز ہے جس کے متعلق ہمیں تحقیق کرنے کی ضرورت ہے۔تحقیق میں محققین نے ایک فعال چارکول کپڑا استعمال کیا اور اس کو ہائیڈروآکسائیڈ آئنز سے چارج کیا۔ یہ آئنز چارکول کے باریک سراخوں میں جمع ہوگئے، جس کے بعد یہ ہوا سے کاربن ڈائی آکسائیڈ کشید کرنے کے قابل ہوئے کیوں کہ انہوں نے ہائیڈرو آکسائیڈز کے ساتھ بونڈ بنائے تھے۔