ٹی ٹوئنٹی ورلڈ کپ کے گروپ میچ میں سری لنکا نے نیدرلینڈز کو 83 رنز سے شکست دے دی۔
نیدرلینڈز نے سری لنکا کے خلاف ٹاس جیت کر پہلے فیلڈنگ کا فیصلہ کیا تھا جس پر سری لنکا کی ٹیم نے مقررہ اوورز میں 6 وکٹ پر 201 رنز بنائے۔
بعدازاں ہدف کا تعاقب کرتے ہوئے نیدرلینڈز کی ٹیم 16.4 اوورز میں 118 رنز بنا کر آؤٹ ہوگئی۔
سری لنکا پہلے ہی ٹورنامنٹ سے باہر ہوچکا ہے اور اس کے لیے آج کا میچ محض رسمی کارروائی تھا۔
واضح رہے کہ اس گروپ سے جنوبی افریقا اور بنگلادیش نے اگلے مرحلے کے لیے کوالیفائی کرلیا ہے۔