• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

1124طلباء و طالبات میں رحمت اللعالمینؐ سکالرشپس کے چیک تقسیم

ملتان(سٹاف رپورٹر ) شان رحمت اللعالمینؐ سکالرشپس کی مرکزی تقریب سائنس کالج میں ہوئی ،ڈویژن میں 1124طلباء و طالبات میں ایک کروڑ سے زائد مالیت کے چیک تقسیم کئے گئے، اس موقع پر کمشنر ملتان ڈویژن ڈاکٹر ارشاد احمد نے کہا کہ رحمت اللعالمین سکالرشپ اپنی نوعیت کے منفرد وظائف ہیں،700 طالبات، 335 طلباء میں سکالر شپ چیک تقسیم کئے جارہے ہیں، مستحق،ذہین طلبہ کیلئے حضرت محمدؐ سے منسوب رحمت اللعالمینؐ سکالرشپ دی جارہی ہیں، سکالرشپ کے اجراء کا مقصد محروم طلبہ کو معاشی سپورٹ فراہم کرناہے،ڈائریکٹر کالجز فرید شریف نے کہا کہ سکالز شپس صرف سرکاری اداروں میں زیر تعلیم انٹرمیڈیٹ اندر گریجویٹ طالب علموں کے لیے مخصوص ہیں، اس موقع پر پرنسپل سائنس کالج آفتاب انصاری ،اساتذہ طلباء و طالبات کی بڑی تعداد موجود تھی۔
ملتان سے مزید