چمن بارڈر:دو طرفہ ٹریڈ مشکلات کا شکار کیوں؟

10 نومبر ، 2021

پاک افغان سرحد کھلنے کے بعد دو طرفہ ٹریڈ مشکلات کا شکار ہے، کسٹم پروسیس میں غیرضروری تاخیر سے فریش آئٹمز کی ایکسپورٹ سست روی سے ہو رہی ہے۔

ٹریڈنگ کمپنیوں کا کہنا ہے کہ کیلا، چکن آئٹم، مچھلی، سبزیاں خراب ہونے سے نقصان ہو رہا ہے، نئے قوانین میں فریش گڈز کی اسی دن افغانستان ایکسپورٹ کو ضروری قرار دیا گیا ہے۔

کسٹم حکام کا اس متعلق کہنا ہے کہ ٹریڈرز کو وی بک پالیسی نافذ ہونے کے بعد عملدر آمد کا کہا ہے، ویب پروسیس کے تحت کلیئرنگ کو لازمی قرار دیا گیا ہے۔

کسٹم حکام نے بتایا کہ پاکستان میں اتوار اور افغانستان میں جمعہ کی چھٹی کےباعث بھی فریش آئٹمزسیم ڈے کلیئرنگ میں مشکلات ہے۔

حکام کا مزید کہنا تھا کہ افغانستان کیساتھ قانونی مسائل کیساتھ بجلی اور نیٹ کے بھی مسائل ہیں، مسائل کے باعث ریونیو مسلسل کم ہوتا جا رہا ہے۔

تازہ ترین