آسٹریلیا کی جیت پر وسیم اکرم نے کیا کہا؟

15 نومبر ، 2021

سوئنگ کے سلطان اور سابق لیجنڈری کرکٹر وسیم اکرم نے آئی سی سی مینز ٹی ٹوئنٹی ورلڈ کپ کے فائنل میں آسٹریلیا کی جیت پر اہلیہ شنیرا کو ’ویل ڈن‘ کہہ دیا۔

وسیم اکرم نے ٹی ٹوئنٹی ورلڈ کپ کے فائنل میں جیت پر آسٹریلین کرکٹ ٹیم کے لیے سماجی رابطے کی ویب سائٹ ٹوئٹر پر پیغام جاری کیا۔

وسیم اکرم نے کہا کہ ’مبارک ہو ٹیم آسٹریلیا، آپ قابل چیمپئن ہیں۔‘

وسیم اکرم نے اپنے ٹوئٹ میں شنیرا سے مخاطب ہوتے ہوئے کہا کہ ’ویل ڈن بیوی۔‘

سابق کرکٹر کے ٹوئٹ پر صارفین کی جانب سے دلچسپ تبصروں کا سلسلہ جاری ہے۔

سیدہ نامی خاتون صارف نے مزاحیہ انداز میں کہا کہ ’یہ بھی ٹھیک ہے کہ سُسرال میں ورلڈ کپ آگیا۔‘

ایک صارف نے قہقہے لگاتے ہوئے کہا کہ ’وسیم بھائی مبارکباد بیوی کو دینی ہے جبکہ ویل ڈن ٹیم آسٹریلیا کو کہنا ہے۔‘

سمر شاہ نامی صارف نے کہا کہ ’سر! سارے ورلڈ کپ آسٹریلیا نے ہی جمع کرنے ہیں اپنے گھر میں، جب دل کرتا ہے اُٹھا کر لے جاتے ہیں۔‘

آئی سی سی مینز ٹی ٹوئنٹی ورلڈکپ 2021 میں نیوزی لینڈ کو باآسانی 8 وکٹوں سے شکست دے کر آسٹریلیا پہلی مرتبہ کرکٹ کے مختصر ترین فارمیٹ کا چیمپئن بن گیا۔

تازہ ترین